Agri SA doen ‘n beroep op die regering om waaksaam te wees wat handel in landbouprodukte betref. Globaal, het die afname in vraag na landbouprodukte aanleiding gegee tot voorraadsurplusse en oorvol bergingsfasiliteite.
Lees Meer
“Die hoë misdaadvlakke, veral plaasaanvalle wat boerderygemeenskap baie weerloos laat, het die afgelope weke opgevlam na die verslapping van die inperkingsmaatreëls. Dit het weereens skokgolwe deur die landbougemeenskap gestuur. Misdadigheid affekteer nie net die boer nie, maar ook plaaswerkers en die landelike gemeenskap, wat niks anders is as ‘n ekonomiese- en emosionele aanval op die landbou nie,” sê Tommie Esterhuyse, voorsitter Agri SA Sentrum van Uitnemendheid: Landelike Veiligheid.
Nersa het sy besluit oor Eskom se regulatoriese aansuiweringsrekeningaansoek (RCA) vir die 2018/19-finansiële jaar bekendgemaak. Nersa het die RCA-balans van R13,3 miljard in Eskom se guns goedgekeur. Eskom het aansoek gedoen vir R27.32 miljard.
Die Land Bank het krediteure ter waarde van R50 miljard gewaarsku oor die risiko van wanprestasie. Die tersaaklike terugbetalings is vir sy lopende kredietfasiliteit. Die bank beskryf die huidige probleem as ‘n ‘likiditeitstekort’.
Agri SA vra vir begrip en bedagsaamheid binne die landbouwaardekettings gedurende die COVID-19 inperkingstydperk. Die landbousektor het ‘n enorme verantwoordelikheid om voedselsekerheid tydens die inperkingstydperk te verseker, maar ook in die moeilike tye wat voorlê.
Moody’s se afgradering van Suid-Afrika se soewereine kredietgradering na 'Ba1' vanaf 'Baa3' was te wagte. 'n Perfekte storm is 'n geruime tyd aan die broei weens beleidsonsekerheid, swak ekonomiese groei, stygende skuldvlakke, ‘n afname in inkomste aan die fiskus, ongebreidelde korrupsie en onbevoegdheid in staatsdepartemente.
Agri SA verwelkom die bekendstelling van die jongste[1] Census of Commercial Agriculture (CoCA). Ons besef dat goeie besluitneming oor die spektrum aangeleenthede wat die landbou raak, gegrond moet wees op akkurate en betroubare inligting.
“Eskom het Maandagaand fase-6 beurtkrag vanaf 18:00 tot 22:00 ingestel, wat die Suid-Afrikaanse ekonomie onkant betrap het,” sê Nicol Jansen, voorsitter van Agri SA se Sentrum van Uitnemendheid: Ekonomie en Handel.
Agri SA is bemoedig deur die Minister van Landbou, Grondhervorming en Landelike Ontwikkeling, Thoko Didiza, se begrotingsrede wat op 16 Julie 2019 in die Parlement gelewer is.
Agri SA se gholfdag ten bate van die Agri SA Droogterampfonds het op Dinsdag, 16 April 2019 by die Woodhill Golf Estate plaasgevind. Op die dag is Senwes deur manne van Senwes Credit en Senwes Equipment verteenwoordig.
Die ergste droogte sedert die 1980's word tans in Suid-Afrika ervaar en watertekorte word deur baie landbougemeenskappe ervaar. Sommige dorpe se drinkwater het selfs heeltemal opgedroog. Hinterland en Senwes het dus veldtogte geloods om drinkwater in te samel en te versprei na gebiede wat deur die droogte geaffekteer word.
Bydraes vir Senwes en Agri SA se droogterampfonds stroom in en is sterk op pad na R3 miljoen toe.